O European Job Days ufreix más de 500 puestos de treballo difuera de l’estau

Mientres os diyas 22 y 23 a feria de treballo ye un punto de trobada entre personas intresadas en treballar en Europa y interpresas que buscan profesionals

Imachen d'a devantadera

Imachen d’a devantadera

O director cherent de l’INAEM, Jorge Escario ha feito la devantadera y visitau o European Job Days. A cita, organizada por o rete Eures y l’INAEM, ha contau con a presencia d’interpresas de Suecia, Noruega, Dinamarca, Irlanda, os Países Baixos, Italia, a Republica Checa, Reino Uniu, Belchica, Alemanya, Austria y Francia ta ufrir puestos de treballo endrezaus a medicos, enfermers, fisioterapeutas, investigadors y incheniers.

Ista trobada ufreix más de 500 puestos de treballo que pueden optar-ie candidatos con un libel minimo B1 d’anglés, francés u alemán, con una diplomatura y experiencia profesional de tres a cinco anyadas.

Eures (Servicios Europeus de Treballo) ye un rete de cooperación europeu coordinau por a Comisión Europea destinau a fer más facil a libre circulación de treballadors aintro de l’Espacio Economico Europeu. Una d’as principals misions d’Eures ye a d’informar, orientar y asesorar a los candidatos a la movilidat internacional, tanto sobre as oportunidatz de treballo, como sobre las condicions de vida y de treballos en ixos países.

Como parte d’ista faina o Servicio Publico de Treballo Estatal, l’Instituto Aragonés de Treballo y EURES Zaragoza han organizau European Job Days Zaragoza, destinau a totz aquells intresaus en treballar en Europa pero de traza muito especial ta profesionals d’os sectors d’a incheniería y a salut. Mientres os diyas 22 y 23 ista feria de treballo será un punto de trobada entre personas intresadas en a busca de treballo en Europa, interpresa europeas que miran profesionals en l’estau y Consellers EURES de cadagún d’os estaus que i participan, que asesorarán sobre oportunidatz de treballo y ferramientas de busca.

En a edición de 2013 de l’European Job Days s’ufrioron más de 300 treballos y t’a trobada i fuoron más de 4.500 personas intresadas en as ufiertas que proposan as interpresas europeas. Ista anyada ha puyau a ufierta, tamién por l’incremento de países participants.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.