O exito d’o soberanismo flamenco torna a ubrir o debat sobre a confederación

O lider d'a independentista N-VA gana a municipalidat d'Anvers. Demanda que Belchica siga una confederación de dos estaus.

Bart de Weter, lider de N-VA (Foto: N-VA)

Bart de Wever, lider de N-VA (Foto: N-VA)

O soberanismo flamenco consiguió ahiere un gran exito en as eleccions municipal belgas. Os independentistas d’a Nueva Alianza Flamenca, N-VA, ganoron as eleccions en Anvers, segunda ciudat d’o país, dimpués de Bruselas, que mientres quasi uitanta anyadas heba teniu un alcalde socialista.

Bart de Wever, lider d’a N-VA será muito probablement o nuevo alcalde d’a ciudat, feito que fa vistera a gran puyada soberanista en istas zaguers anyadas. Aprofitando a victoria, De Wever ha demandau a lo gubierno belga una reforma constitucional ta instituyir una confederación de dos estaus.

O primer ministro belga, o francofono socialista Elio Di Rupo no ha quiesto charrar-ne. Nomás ha dito que as eleccions yeran municipals y que os resultaus no se pueden extrapolar. Con tot y con ixo, a preocupación ye notable en Valonia y Bruselas como sinyala prou o titular d’a depeixa Le Soir: “Un escrutinio que fa tremolar Belchica”.

A N-VA ha conseguiu una meya de voto d’0 20-30 % en todas as poblacions flamencas, y ixo fa previyer una victoria facil en as eleccions lechislativas d’o 2014, a on que participará con un programa independentista. De feito a N-VA ya ganó as zaguers eleccions, pero s’estimó más de remanir en a oposición, y ixo obligó a una coalició de seis partius ta formar gubierno.

En Valonia, os socialistas han tornau a ganar, a tamás d’as criticas a lo gubierno y a las retalladas.

 

 

Fuent: http://www.vilaweb.cat/noticia/4047229/20121015/lexit-municipal-sobiranisme-flamenc-torna-obrir-debat-confederacio.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.