O Festifal d’o Baixo Martín recibe triballos dica l’1 d’octubre

A segunda edición d'o Festifal d'o Baixo Martín, ta produccions audiovisuals de tematica rural, se cilebrará en Urrea de Gaén dentre o 18 y u 20 de noviembre.

Cartel d'o festival

Cartel d'o festival

Ya ye ubierta a inscripción de produccións audiovisuals ta o Festifal, o festival de cine d’o Baixo Martín, centrau en produccions de tematica rural. Os triballos pueden ninviar-se a o concurso dica l’1 d’octubre, y pueden estar produccións de ficción u documentals. As bases ta presentar as peliculas ya son penchadas en o web d’o festival, asinas como as maneras de fer plegar as produccions ta os organizadors, o Centro de Estudios del Bajo Martín.

Os curtos han d’haber estau feitos dimpués de chinero de 2009, y dentre totz as peliculas que bi partecipen o churau trigara 15 que estarán has que dentrarán en a fase final d’o concurso. Tres son os premios a que optaran as peliculas, Millor documental, dotau con 1000 euros, Millor curto de ficcion, con atros 1000 euros, y bi’n ha un terceno adedicau a las produccions d’o Baixo Martín que tendra un premio de 500 euros.

 

Una rispuesta a O Festifal d’o Baixo Martín recibe triballos dica l’1 d’octubre

  1. Muitas grazias “arredol” por publicar ista notizia, la chen de os puestos chicorrones tamién pueden fer grans festibals.

    Dende o baixo Martín os combidamos ta partizipar.

    Se clama FESTIFAL por estar “fal” una parabra que senifica Falz en ista tierra (Hoz en castellan).

    PD: desincusen a mia ortografía, fa muitas añadas que no charro en ista Luenga.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.