O Festival Carrasca Rock organiza o concurso de talentos “x(amor) al arte”

En a uitena edición d'o festival, s'organizará un festival de nuevos talentos, ta artistas que no sigan collas mosicals

talentos-carrasca-rock-212x300Un anyo mas torna a la carga o VIII Festival Carrasca Rock en Exulv (comarca d’Andorra- Sierra d’Arcos), será o venient 20 de chulio. “Como siempre, hemos prebau d’organizar un festival ubierto a totz, a os habitants d’o lugar y a os de difuera d’ell… con uns gustos u atros, o nuestro proposito yera creyar un escaparate t’as collas emerchents d’a zona y dinamizar os nuestros lugars. Por ixo, iste anyo cambiamos de formato y bi incluimos novedatz como iste concurso de talentos, ta dar-ie cullida a totz aquells artistas que no son collas mosicals. En ista “zona reservada” ta nuevas actuacions queremos veyer monologuistas, queremos veyer, bailarinas y bailarins, malabaristas, cantaires, equilibristas, payasos, comicos, cuentacuentos, animadoras y animadors y toda mena de talentos que tiengan bella cosa a expresar “x(amor) al arte” sinyalan as personas organizadoras d’o festival.

En ixe sentiu han organizau o primer concurso de talentos d’o Festival Carrasca Rock. Ta participar-ie cal estar mayor de 18 anyos y ninviar nombre, numero de telefono, actividat a desembolicar a carrascarock@hotmail.com antes d’o 16 de chulio.

I habrá una selección previa d’as y os concursants antes d’o día 19 que se comunicará por telefono. O concurso tendrá puesto en a Plaza Mayor d’Exulv o día 20 de chulio a las 17.30 horas debant d’as personas asistents a o VIII Festival Carrasca Rock. L’equipo d’o que se disposará será d’un parell de microfonos, monitors y altavoces. O churau será compuesto por a chunta de l’Asociación Carrasca Rock y nomás i habrá una persona ganadera que recibirá un premio economico de 300 euros que s’entregará en o concierto de nueitz.

Fuent: http://arainfo.org/2013/06/el-festival-carrasca-rock-organiza-el-concurso-de-talentos-xamor-al-arte/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.