O festival de poesía d’o Moncayo homenacheará a Cernuda

Contina la programación de Veruela Verano y remata o ciclo de Canto Gregoriano

cartelO XII Festival Internacional de Poesía d’o Moncayo se celebrará iste sabado, aintro d’a programación cultural “Veruela Verano”. En ista edición se homenacheará a lo poeta d’a Cheneración d’o 27 Luis Cernuda.

O viernes dende as 19 se contará con a mosica de “Borina moncaina” y se ferán lecturas y procheccions de videopoesía.  A las 21 prencipiará l’actuación de Jordi Skywalker y se ferán performances y bookcrossing.

As actividatz d’o sabado, prencipiarán con una lectura en o Museu d’o Vin a las 11 d’o maitín a on que participarán, entre atros, o poeta Angel Guinda. L’acto rematará con una actuación mosical de Luigi Maráez. De tardis, dende as 19 se  presentarán as Cartas de Luis Cernuda a Bernabé Fernández-Canivell en a ilesia d’o Monasterio. Dimpués, El Silbo Vulnerado ferán una actuación especial y bi habrá un espectaclo de danza.

D’atra man, o domingo 28 de chuliol, remata o ciclo “Cantos Sonaus” con un recital d’a Capilla Gregoranista Easo, a las 12 en a Ilesia d’o Monasterio. Ista Capilla ye una sección d’os diferents coros que fan o “Coro Easo” de Sant Sabastián, creyada en 1995 y que ha actuau quantas vegadas en semanas especializadas en mosica sacra.

 

Una rispuesta a O festival de poesía d’o Moncayo homenacheará a Cernuda

  1. Pingback: O festival de poesía d’o Moncayo homenacheará a Cernuda | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.