O festival Gaire leva as artes scenicas ta Pancrudo

Os diyas 15 y 16 Pancrudo rebute d'actuacions de toda mena

cartelO festival d’as artes scenicas Gaire se celebrará iste cabo de semana en Pancrudo (Comunidat de Teruel) fendo a suya cinquena edición y asperando continar con l’exito que ha teniu en anteriors edicions.

En istas cinco anyadas se i ha puesto viyer arrienda de disciplinas d’o circo y o teyatro: percusión, titeres, contacuentos, rock, folk, rumba, funky, clown, humor con cenyos, cantautors, machia, danza acrobatica, tallers ta ninos… Con tot y con ixo o festival contina descubrindo nuevas disciplinas pues, como diz a organización, “o circo, o teyatro u a danza evolucionan terne que terne”.

En ista edición s’ubren nuevos espacios scenicos a on que actuarán más de 20 companyas y artistas de Aragón, Catalunya, Belchica, Cuba y Francia. Os espectaclos que se i pueden viyer son endrezaus enta toda mena de publico. Bi habrá actuacions ta toda la familia, t’a catrinalla y t’os adultos mientres tot lo sabado y o maitin d’o domingo. A nueit d’o sabado, antimás, se ferá un concierto con Logela Multimedia & the Circle of trust, Hillbilly Mongows, Ni zorra y Paco Nogue. Ta qui i vaiga dende difuera y quiera quedar-se-ie a dormir, a organización ha presto una zona d’acampada libre con duchas..

 

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.