O FMI diz que no s’ha feito prou contra la crisi y cretica a la eurozona

Christine Lagarde, directora d'o FMI

Christine Lagarde, directora d’o FMI

O FMI ha enrestiu contra la eurozona, os paises que comparten l’euro como moneda, por no haber feito prou contra la crisi quan encara yeran a tiempo. Fa un clamamiento ta fer un cambio de regles de chuego ya que seguntes l’organismo, a crisis d’os países euro lis afecta a ells, pero tamién a os vecins más chicotz d’Europa, y de retruque a totz os paises d’o sistema ubierto de mercau.

En l’analís d’as cinco más grans economías d’o mundo (EEUU, China, Chapón, Reino Unito y a Eurozona) a pior preocupación ye la situgación d’a eurozona, seguntes o FMI, porque “no s’actuó ta privar que a tensión s’estendillase”. En o pior d’os scenarios simulaus por o FMI a producción d’a eurozona caye un 5% anyal “debant d’a inacción y o empioramiento d’a crisi”, y ixo fería que o trucazo en os países más pobres d’o planeta sería meyo o muit grieu, enamplando a necesidat d’aduya exterior en más de 22.000 millons d’euros a o cabo d’o 2013.

En iste documento, manimenos, tamién dicen que os EEUU han de retallar prou o gasto, arredol de 330.000 millons d’euros, ta no cayer en un “crabil” fiscal.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.