O FMI quiere que Espanya abarate mas o despiu

Diz que a taxa de desocupación ye inacceptablement altera y recomienda mas reformas laborals

FMIL’informe d’o Fondo Monentario Internacional (FMI) sobre a situación d’a economía espanyola considera que a taxa de desocupación ye ‘inacceptablement’ altera y, por iste motivo, recomienda de complementar a reforma laboral adoptada por o gubierno de Mariano Rajoy con nuevas midas como por eixemplo achustar u abaratar o coste d’os despius ta aliniar-lo con a media d’a resta de países d’a Unión Europea. Asinas mesmo, o FMI apunta que o mercau laboral espanyol requiere una reducción d’o numero de contractos, ixamplar l’uso d’o nuevo contracto permanent y reducir a marguin d’interpretación chudicial d’os despius obchectivos.

O Fondo Monetario considera que a reforma laboral ha d’ir dillá ta chenerar ocupación y insta a fer un mayor emplego d’os nuevos instrumentos y a aliniar os costes d’os despius con a media europea ta que as interpresas s’achusten por medio d’a modificación d’as condicions laborals d’os treballadors y no os despius. Seguntes o FMI, tamién s’habrían d’amillorar os servicios de colocación y de formación ta aduyar a os aturaus a trobar treballo.

Fuent: http://www.vilaweb.cat/noticia/4126840/20130619/lfmi-vol-espanya-abarateixi-lacomiadament.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.