O FMI reconoixe agora «grieus errors» en o rescate griego

Constata que as midas que disenyó han "enfosau o país"

Christine Lagarde, directora d'o FMI (Foto: Wikipedia)

Christine Lagarde, directora d’o FMI (Foto: Wikipedia)

O Fundo Monetario Internacional (FMI) ha reconoixiu que o programa de rescate de Grecia tenió «errors notables«. Admite que a experiencia recient d’o país contrimuestra la importancia de repartir a carga de l’achuste entre totz os rans d’a sociedat ta «conseguir un refirme social a lo programa». En un evalguación interna sobre o rescate de Gracia, o FMI subraya que, en resultas de l’aduya alcordada con a troika, a recesión d’a economía griega ye estada muito más funda que no se previyeba con un ature especialment altero».

Tamién admite que s’ha restaurau a confitanza d’os mercaus, que o sistema bancario ha perdiu o 30% d’os depositos y que a deuda publica ye estada masiau altera, cosa que ha obligau a restaurar-lo y ha orichinau danyos colaterals en os balances d’os bancos, ya debilitaus por a recesión.

Igualment, l’organismo menau por Christine Lagarde subraya que, encara que a competitividat ha amillorau en bella mida por a cayida d’os chornals, as reformas estructurals s’han estancau y no han conseguir amilloras en a productividat. A tamás d’ixo, l’informe tamién diz que o programa de rescate ha conseguiu notables exitos. En concreto, que ha permitiu que Grecia remanise en a zona euro, conseguiu una «firme consolidación fiscal» y situau o sistema de pensions en una endrecera viable».

Asinas mesmo, constata que o risque d’un contachio que habría puesto tener efectos grieus en a economía global s’ha conteniu «relativament bien», gracias tamién a lo refirme d’esfuerzos multilaterals por creyar tallafuegos.

Cuanto a las condicions replegadas en o programa, considera que teneban una orientación cheneral apropiada: yera inevitable un rapedo achuste fiscal y que as midas ta empentar a competitividat y as reformas estructural yeran alazetals t’achiquir o deficit. Con tot y con ixo reconoixe que la capacidat d’aplicar as reformas estió «sobreestimada», y si o comportamiento d’a economía griega estió muito pior que no s’asperaba estió debiu a unas previsions masiau optimistas, antimás d’os factors exochenos.

O FMI reconoixe que bi habió tensions entre a necesidat de refirmar a Grecia y a preocupación de que a deuda no estase sostenible, una d’as condicions que imposa o FMI t’as aduyas. Por ixo se modificó lo criterio d’acceso excepcional: ta baixar o listón de sostenibilidat d’a deuda y incluyir-ie casos sistemicos.

 

 

Fuent: http://www.vilaweb.cat/noticia/4122325/20130606/fmi-reconeix-greus-errors-rescat-grec.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.