O fuego ya ha cremau mil hectarias en Sa Coma d’Andratx

A policía imputa a un hombre que cremaba restollos como posible autor de l'incendio, que fació desaloixar una vintena de personas y voluntarios d'a Trapa

incendio andratx

Vista d’a NASA de l’incendio dende l’espacio

Con a salida d’o sol, os medios aerios s’han tornau a incorporar en os quefers d’extinción d’un fuego de magnitutz considerables, calficau de livel dos por os expertos, que s’orichinó ahiere de lusco en Sa Coma, una zona que se troba a un kilometro aproximadament d’o municipio mallorquín d’Andratx. A policía ha imputau a un hombre que cremaba restollos como posible autor d’o fuego, que habría cremau ya mil hectarias.

As condicions de baixa humedat (30%) y as altas temperaturas, de conchunta con a dificultat orografica d’a zona, dificultan os quefers d’extinción, an que treballan nueu medios aerios y mas de docientos efectivos entre bombers, policía, militars y miembros de Protección Civil.

A proximidat d’as flamas a qualques casas fació que s’ordinase o desaloixo preventivo de quatro viviendas y a evacuación de quince personas d’as zonas de Sa Coma Freda y un grupo d’once personas mas d’a Trapa.

Tamién se zarró a carretera Ma-1031, entre Capdellá y Andratx, y a Ma-10 entre os kilometros 94 y 110, entre Estellencs y Andratx. Qualques carreras d’o nuclio d’Andratx, como a carrera de Barcelona, Pere Ferriol, a Senyera, a Font del Bosc, a Coma Freda y o Camín de Sant Elm, s’habioron de tallar.

Fuent: http://www.vilaweb.cat/noticia/4136208/20130727/foc-cremat-800-hectarees-sa-coma-dandratx.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.