O gobierno d’Espanya refirma l’Autopista Electrica

Dita autopista transcurre d'entre as localidatz de Penyalba, L'Arnero (Monzón) y Isona

Mapa preso d'o propio Estudio de Impacto Ambiental de Red Eléctrica de España

Plegamos d’enterar-nos y a indignación y a consternación que sentíbanos fa dos días, en conoixer o refuse a la proposa de declaración d’a Sierra d’a Carrodilla como ZEPA (Zona de Especial Protección para las Aves), no ha feito que puyar, plenándo-nos d’autentica rabia.
A noticia ha estau conoixida a radiz d’a proposa d’o Gobierno a la pregunta que en o suyo diya le formuló lo portavoz d’Izquierda Unida en o Congreso, Gaspar LLamazares.

No más podemos que reiterar o nuestro convencimiento, refirmau en datos rigurosos, de que a suposada amenistada Autopista Electrica no ye que una verdadera falacia y que, refirmando-nos en istos mesmos datos contenius en l’informe elaborau por Ecologistas en Acción y en l’articlo feito en ECOWIKI, podemos afirmar con total convencimiento, que en o caso de reyalizar-se a construcción d’a linia por o trazau proposau, s’estará perpetrando:

  • un fraude de ley (a linea prochectada tien un trazau cuasi identico a o d’a linia que anuló lo Tribunal Supremo en l’anyo 2005 y o suyo trazau, seguntes aseguró lo gobierno espanyol a la Comisión Europea, estaría en un esdevenidero de raso esferent);
  • un autentico crimen contra o meyo ambient y a salut publica;
  • una sentencia de muerte ta grand parti d’as nuestras redoladas, ya de por sí esfavorecidas y que, inchustament, veyerán hipotecadas ta cutio as suyas posibilidatz de desenvolique, condenando-nos a l’atrure y l’abandono de muitos d’os nuestros lugars.

D’atra man, l’Autopista Electrica susmetería a os habitadors d’a Puebla d’o Mon y d’o Pueyo de Marguillén (en o municipio de Graus) a una contaminación acustica, permanent, de 30 decibelios (zona en verde claro en o mapa), y ixo sin dentrar a considerar os danyos graus a la salut publica d’os habitadors d’istos lugars, situgaus a poco más de 400 metros d’o trazau proposau ta la linea, que aprofita las torres de l’Aragón-Cazaril, mantenidas en piet dica os nuestros días en franca situgación d’infracción urbanistica.

Fuent: http://autopistaelectricano.blogspot.com/2011/09/pesimas-noticias-el-gobierno-central.html

3 Rispuestas a O gobierno d’Espanya refirma l’Autopista Electrica

  1. JAVIER ESPLIGARES

    Que dengún s’escandalice. l’autopista electrica se ferá y a TCP no. Dimpués a plorar.

  2. Antonio Serón Gascón

    A la fin, caldra itar-se ta lo mon como faziemos fa bente añadas con l’Aragón-Cazaril. Y como os peperos ganen as eleuzions, atamás de o Par, como bien diz Javier… a posar-nos y a plorar.

  3. Pues a amolar-se zagales semos tierra conquistada, ixo no ye garra grau o grau ye que a nuesa chen ye asimilada. Nomás nos resta plorar u luitar. No pas reblar.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.