Ryanair alcuerda con o Gobierno mantener l’actividat en l’Aeropuerto de Zaragoza

Ryanair estudiará potenciar a prencipios d'o 2012 qualques d'os vuelos directos con Europa

A interpresa aeria Ryanair  s’ha comprometiu con o Gobierno d’Aragón a continar con a suya actividat en l’Aeropuerto de Zaragoz. Lo ha feito  a traviés d’un alcuerdo pactau dica ista primaver, dica o 31 de marzo de 2012. En o marco d’o calendario d’actuacions ta resolver os conflictos con Ryanair, o consellero d’Obras Publicas, Rafael Fernández d’Alarcón, alcompanyau por o director cheneral de Transportes d’o Gubierno d’Aragón , Jesús Díez, s’ha achuntau con a interpresa en Zaragoza.

L’alcuerdo dentre as partis s’ha prorrogau dica marzo, y ixo fera que totz os vuelos que agora s’en fan continen. Ryanair s’ha comprometiu a potenciar as rutas ta Londres u Bruselas, dimpués d’haber sacau os vuelos enta Malaga y Alicant. O gobierno, por a suya parti, ha adempribiau cumplir os suyos compromisos d’aduyas publicas ta que Ryanair contine en l’aeropuerto, a lo menos, dica ixe 31 de marzo.

O Consellero d’Obras Publicas ha sinyalau que l’achuga d’o gobierno ye potenciar as rutas con capitals europeyas en que “os interpresaires puedan tener negocios”. En l’alcuerdo de huei s’ha aprebau tamien un calendario de pagos dica marzo que habra de re-achustarse iste hibierno ta continar l’anyo venient.

Una rispuesta a Ryanair alcuerda con o Gobierno mantener l’actividat en l’Aeropuerto de Zaragoza

  1. Pingback: Aeropuerto de Zaragoza.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.