O gubierno apreba a lei de no-luengas a tamás d’o refús d’o Consello Escolar

A nueva lei, que derogará la que encara ye en vigor, habrá de pasar por o pleno d'as Cortes a partir de setiembre

Rueda de prensa d'o Consello de gubierno (Foto: Carlos Moncín/DGA)

Rueda de prensa d’o Consello de gubierno (Foto: Carlos Moncín/DGA)

Sin fer caso de l’unico organo consultivo que heba anunciau o gubierno ha aprebau hue a nueva lei de no-luengas, que encara habrá de pasar por o tramite parlamentario, en os meses posteriors a l’estiu. O Consello de gubierno ha decidiu aprebar ista lei, presentada fa bellas semanas por a consellera de Cultura, Dolores Serrat, y que se priva d’emplegar o nombre d’as luengas y rebaixa más encara o grau sociopolitico y de reconoiximiento d’as luengas d’Aragón, fueras d’o  castellán.

Seguntes o gubierno, o nuevo texto “reconoix as luengas y modalidatz lingüisticas d’Aragón” a las que o texto clama “lengua aragonesa propia de las zonas pirenaica y prepirenaica” y “lengua aragonesa propia del área oriental de la comunidad”. Amás, o texto, suprime o Consello d’as Luengas d’Aragón, premite a os concellos indicar o nombre d’a suya luenga y achunta en una unica Academia Aragonesa de la Lengua as dos Academias (ta l’aragonés y o catalán) que disposaba a lei encara en vigor. Ista Academia, amás, encara que o gubierno diz que sera scientifica, no contará con miembros trigaus por a Universidat de Zaragoza, ya que tendrá 10 miembros, cinco trigaus por o gubierno y cinco por as Cortes. En o texto que hue a aprebau o gubierno a unica luenga que mereixe a oficialidat seguntes o texto ye o castellán, y ye a unica que ye obligatoria, ya que mesmo en a toponimia s’especifica que os lugars podrán emplegar a toponimia en “a suya luenga u modalidat lingüistica” siempre amás d’a forma castellana d’a toponimia.

En a presentación d’o texto, a consellera Serrat dició que se contaría con a opinión d’o Consello Escolar, que ya amostró o suyo refús a iste texto, votación que o gubierno no ha teniu en cuenta en aprebar ista nueva lei, que ha de pasar encara por o pleno d’as Cortes. Tampoco ha teniu en cuenta as mocions que más que más en a zona catalanofablant d’Aragón han presentau concellos y consellos comarcals, y que mesmo con votos de PP u PAR, esfienden a unidat d’o catalán y l’amostranza en ista luenga propia d’a zona. Asinas, concellos como Calazeit, Mequinensa, u Areny de Noguera, y consellos comarcals como A Litera, u o Matarranya, han aprebau mocions a favor d’o catalán, asinas como alcaldes d’a Ribagorza.

10 Rispuestas a O gubierno apreba a lei de no-luengas a tamás d’o refús d’o Consello Escolar

  1. Pingback: El Gobierno de Aragón (PP-PAR) elimina el catalán y el aragonés en la nueva Ley de lenguas [ARA]

  2. Pingback: Lo Govern d’Aragó aprova la Llei de llengües « Xarxes socials i llengües

  3. Pingback: O gubierno apreba a lei de no-luengas a tamás d’o refús d’o Consello Escolar | AraInfo | Achencia de Noticias d´Aragón

  4. Pingback: O governo PePPeiro de Aragão aprova nova lei de línguas de Aragão e margina aragonês e catalão

  5. Pingback: Anónimo

  6. Ta os que no lis cuaca ixo d’una luenga estandar, comuna, codificata.ezt………..ista ley ye un gran paso entadebán.
    Ya podez charrar ubiertamen de fonzense, fobano, fuencalderense, cheso, chistabin, y dezenas de lugars que han d’una luenga suyiza,diferen totalmén a o lugar d’o costao. tamién podebaz quitarbos as caretas y emplir as ringlas blaberoaragonesas, espezialmén os autoproclamaus patrimonials que abez estau reniegando y disfamando a os neofablans, y asinas mos beyemos agora, como os d’a fabula, “que si son galgos u podencos” y cuasi trenta años perdius.
    uno de jaen

  7. De piston.A o gubierno espanyol l’aragonés le bufa la pocha, o gubierno aragonés ye ubiertament contra y a luenga aragonesa ye un reino de taifas. Veigo a craba roya, caldría fer bella cosa u nos apedecan.

  8. Y ista sinyora ye a consellera de “Cultura”? Ta yo me parixe a d’ “Esferra d’a cultura”.

  9. Pingback: El govern de l’Aragó aprova la llei que margina el català i l’aragonès « Espai de llengua, cultura i educació

  10. Pingback: O Consello Superior d’as Luengas d’Aragón refusa a nueva lei de no-luengas d’o gubierno | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.