O gubierno apreba un tellau de gasto en 2013 un 10% más baixo que en 2012

Ye a primer vegada que s'apreba ista zifra antis de l'aprebación d'os presupuestos

Por primer vegada dende a constitución de l’autonomia aragonesa, os presupuestos tendran un tellau de gasto ta l’anyo venient. A zifra maxima que podra gastar o gubierno será de 4.587 millons d’euros, una zifra un 10% más baixa que o gasto d’iste anyo 2012. A mida, obligada por a lei d’Estabilidat presupuestaria, estió aprebada ahiere en o Consello de Gubierno, y hue s’apreba en o Parlamento.

Ista situgación permite que o presupuesto que en zagueras s’elabore t’o venient exercicio s’achuste a l’obchectivo d’estabilidat presupuestaria y a o deficit previsto, minimizando o risque de desequilibrios, seguntes a Consellería de Ficienda, que ye mainada por José Luis Saz. En qualsiquier caso o tellau de gasto ye un limite que no puede no adubir-se, por o que o presupuesto podría estar más baixo d’ixa zifra, en función d’a situación economica d’o momento.

A cantidat fixada ta 2013 de 4.587 millons d’euros suposa una variación aproximada de 113 millons d’euros sobre os presupuestos de 2012, que encara que inicialment yera de 5.066 millons d’euros, s’ha visto achiquida por as retencions de credito efectuadas y por a no disposición de partidas obchecto de cofinanciación dica situgar-la arredol d’os 4.700 millons d’euros.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.