O gubierno aragonés demanda a suspensión de desafiuzamientos en colectivos vulnerables

Se quiere que a prorroga d'ista situación aprebada por o Gubierno espanyol contine dos anyos mas

Foto: Gubierno d'Aragón

Foto: Gubierno d’Aragón

En consello de gubierno, o Gubierno d’Aragón ha aprebau instar a o Gubierno espanyol que se prorrogue a suspensión d’execucions hipotecarias (desafiuzamientos) por dos anyos mas en bell colectivo en situación de especial vulnerabilidat, contamplau en a Lei de midas ta reforzar a protección a os deudors hipotecarios, reestructuración de deuda y loguer social.

O Gubierno espanyol heba aprebau esta suspensión temporal y excepcional por dos anyos d’os desafiuzamientos en colectivos vulnerables incluida en dita lei. Seguntes fuents gubernamentals, s’ha evitau uns 10.000 desafiuzamientos en tot o Estau espanyol con ista mida.

O Gubierno aragonés demandará a prorroga d’a mida que se complementa con atras midas iniciadas por o mesmo Gubierno d’Aragón, como o ret de Bolsas de Loguer Social, Unidatz de Chestión d’a Vivienda u atras aduyas a inquilinos.

O portavoz d’o Gubierno aragonés, Roberto Bermúdez de Castro, ha sinyalau que “dende o Gubierno d’Aragón queremos mantener asinas o nuestro compromís con a población que vive en situación de vulnerabilidat, aduyar a os ciudadanos que se troban debant d’o risgo de perder a suya vivienda”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.