O Gubierno aragonés prencipiará a pagar a proveedors dende o venient diya 16 as facturas pendients

Con os 21 millons recibius d'o Plan de Proveedors, o Gubierno aragonés empecipiará a pagar as facturas adeudadas dica o 31 d'aviento de 2012

José Luis Saz. Foto: Gubierno d'Aragón

José Luis Saz. Foto: Gubierno d’Aragón

José Luis Saz, consellero de Ficienda y Administración Publica d’o Gubierno aragonés ha confirmau que o diya 16 de noviembre s’escomencipiarán a pagar as facturas pendients con proveedors, dimpués de recibir o Gubierno 21 millons d’euros d’o Primer Tramo d’a Tercera Fase d’o Plan de Proveedors. Istos pagos tendrán un 4,5% d’intrés.

Saz ha afirmau que “o Gubierno d’Aragón quiere cumplir a Lei de Morosidat y empecipiar a pagar a os 30 días, como dispone ista Lei. Con os nuestros propios recursos, as Administracions no podemos fer frent a la nuestra cartera de deuda y, por tanto, pagar puntualment y d’astí que iste mecanismo sía o preciso pa en 2014 cumplir con a Lei“.

O limite d’as obligacions de pago asumidas por o Gubierno aragonés estió fixau en o primer tramo d’ista fase en o 31 d’aviento de 2012. A Universidat (5 millons d’euros), o Salud (10,6 millons d’euros) u o Consello Aragonés Sanitario d’Alta Resolución (1,3 millons) son belunos d’os departamentos con mas cantidat de diners adeudaus. Os atros 4 millons se reparten entre atros departamentos.

En o Segundo Tramo d’a Tercera Fase, o Gubierno d’Aragón pagará as facturas pendients dica o 31 de mayo de 2013. A cantidat final encara no se sabe, pues o Departamento de Ficienda y Administración Publica ye replegando y comprobando as facturas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.