O gubierno atura os prochectos d’investigación d’a universidat en Walqa

Caye la nueit sobre Walqa

Caye la nueit sobre Walqa

A politica de retalladas d’o gubierno contina agora con o parque tecnolochico Walqa. Seguntes una información de Radio Huesca, o director de l’Instituto Universitario d’investigación, Juan Ignacio Garcés ha denunciau que o gubierno ha aturau o programa. D’os quince investigadors que bi’n heba nomás en queda un.

Seguntes explica Garcés, l’Instituto que diriche, dende a dentrada d’o nuevo gubierno, s’ha quedau sin interlocutor en a Consellería y o convenio ha quedau en suspenso, feito que ha levau a aturar l’actividat d’os laboratorios.

Chustament, istos laboratorios, de conchunta con l’Instituto Tecnolochico d’Aragón yeran parte d’o conteniu de l’edificio d’I+D que heba construiu a universidat en o Parque Tecnolochico, un prochecto en que s’heban invertiu 7 millons de euros, estando l’edificio más caro d’o Parque.

O director de l’Instituto Universitario d’Investigación ha feito publica o suyo intrés en achuntar-se con os directors chenerals d’investigacion y nuevas tecnolochías ta mirar d’escar bella solución y que se puedan continar con os triballos en o centro.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.