O gubierno basco anuncia que as balas de goma seran viedadas a partir d’o 2013

Rodolfo Ares asume "a responsabilidat politica" d'os feitos d'o chueves, que rematoron con a muerte d'o choven Íñigo Cabacas.

Rodolfo Ares, consellero d'Interior d'o Gobierno Basco. (Foto: Wikipedia)

O consellero d’Interior basco, Rodolfo Ares, ha anunciau que a ertzaintza tendrá viedau l’emplego d’as escopetas de balas de goma a partir de l’1 de chinero de l’anyo venient. Lo ha dito en una comparecencia en o parlamento ta dar explicacións sobre a muerte d’Iñigo Cabacas, o pasau lunes, por l’impacto d’una bala de goma recibiu o chueves mientras uns disturbios dimpués d’o partiu de Europa League entre l’Athletic y o Schalke 04.

Ares ha dito que l’uso d’as balas de goma quedará viedau a partir de l’1 de chinero d’o 2013 porque ye o tiempo que consideran necesario ta dotar as unidatz de nuevo material antidisturbios y formar a os achents.

Tamién ha asumiu a “responsabiliat politica d’os feitos succedius” y ha dito que “bi habra una investigación rigorosa ta aclarir os feitos y, en o suyo caso, depurar responsabilidat”‘. Por o que fa a os achents que participoron en l’operativo d’o chueves en Bilbau, ha anunciau un “expedient interno ta determinar si l’actuación s’achustó a os procedimientos establius”.

Fuent: http://www.vilaweb.cat/noticia/4002009/20120412/govern-basc-anuncia-prohibicio-bales-goma-partir-2013.html

Una rispuesta a O gubierno basco anuncia que as balas de goma seran viedadas a partir d’o 2013

  1. Ares el Mentirol

    Lo siento.. pero ye mentira de tot ixo de que dixarán d’emplegar-las. En esta parte que no hetz tradueito se i diz clarament:

    “Tot amb tot, la prohibició no serà total, perquè les unitats especialitzades, és a dir, la brigada mòbil i la brigada de reforç, encara les podran fer servir ‘en ocasions excepcionals’. Així doncs, la restricció de les bales de goma afectarà uns 6.000 dels 8.000 agents que integren la policia basca”

Responder a Ares el Mentirol Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.