O gubierno colombiano y as FARC escomencipian una nueva fase d’o dialogo en L’Habana

A guerrilla colombiana decreta una tregua unilateral de dos meses

O gubierno cubano ha confirmau que hue se fería a presentación formal d’a mesa de negociación entre o gubierno colombiano y a guerrilla d’as Fuerzas Armadas Revolucionarias de Colombia (FARC). As delegacions tienen previsto reunir-se en o Palacio de Convencions de L’Habana, a on empecipiarán diez días de contactos ta establir un marco de negociación.

A delegación gubernamental ye representada por l’exvicepresident y exministro d’Interior, Humberto de Carrera, que ha reiterau a oposición d’o gubierno a un alto o fuego bilateral proposau por a guerrilla. As FARC, que son representadas por seis delegaus con o comandante Iván Márquez debant, ha decretau por a suya parte una tregua de dos meses. Márquez mesmo ha explicau que a reunión de Cuba ferá honra ta construyir ‘una cosa pareixida a las normas de funcionamiento d’a mesa’.

As expectativas sobre ista negociación son moderadament optimistas, y ye que puede ripresentar a final de cinquanta y dos anyos de conflicto, encara que a zaguera prebatina de paz, d’o 1999 a o 2002, feita a iniciativa d’o president Andrés Pastrana, fracasó; por un costau, porque a ofensiva militar estió muit intensa y, d’unatra, porque as FARC no cesoron de fer seqüestros.

Ista vegada todas dos partes negociarán una achenda de cinco puntos, que incluye o desembolique agrario integral, as guarancias ta l’exercicio d’a oposición politica, a fin d’o conflicto, a luita contra o narcotrafico y a compensación a las victimas. L’achenda se pactó o mes pasau en Noruega, país que, de conchunta con Cuba, guarancia y facilita as negociacions. Venezuela y Chile participan tamién en o proceso, en calidat d’acompanyants.

Fuent: http://www.vilaweb.cat/noticia/4056691/20121119/govern-colombia-farc-comencen-nova-fase-dialeg-lhavana.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.