O Gubierno convoca seis becas de formación en l’aria de Periodismo y Comunicación ta 2015

A documentación ta conseguir a beca, de 10.000 euros anyals, ha de presentar-se antes de quince diyas

pignatelli

“L’actividat formativa d’os becarios será aintro d’un Plan de Formación teorico y practico con os conoiximientos y habilidatz que le caldrá conseguir a lo becario mientres o tiempo d’a beca. Istos conoiximientos y habitidatz ferán honra ta ixamplar a suya formación y facilitar que se integren en o mercau laboral.” Asinas define a D.Ch.A. l’actividat que tendrá qui consiga una d’as seis becas convocadas.

O procedimiento ta conceder as becas, que se puede consultar en www.aragon.es, se ferá en rechimen de concurrencia competitiva y d’alcuerdo con os prencipios de publicidat, obchectividat, transparencia, igualdat y no discriminación. As becas son dotadas con 10.000 euros anyals cadaguna, antes de retencions fiscals y de seguridat social. O periodo de treballo ye de tot l’anyo natural de 2015, sin posibilidat de prolargar-se.

Qui quiera presentar-se habrá de tener un Grau u Licenciatura en Sciencias d’a Información, Periodismo u Comunicación Audiovisual y le caldrá presentar a documentación antes de quince diyas habils dende a publicación d’a convocatoria, feita o 25 de noviembre. Toda la información se puede trobar en iste vinclo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.