O gubierno da o carpetazo final a os Chuegos d’hibierno de 2022

L'auditoria economica encargada por o gubierno esta ya feita y se presentara o luns

Os chuegos olimpicos de 2022 son historia d'o pasau

Os chuegos olimpicos de 2022 son historia d'o pasau

O consello d’o gubierno ha decidiu que no alportara diners ta una posible candidatura olimpica d’hibierno aragonesa en 2022. Ixo suposa, en a practica, o fin d’as aspiracions olimpicas de Zaragoza-Chaca ta ixe anyo. O gubierno chustifica ista decisión en a necesidat de fer achustes en os tiempos de crisi. O conseller de presidencia, Roberto Bermúdez de Castro, ha asegurau amás que si no bi’n ha candidatura, como parixe, no cal que en haiga consorcio.

Bermúdez de Castro ha feito ya reunions con os concellos de Zaragoza, Uesca y Chaca, y a semana venient en tendrá con a Diputación de Uesca.

Lo que ya ye presto ye l’auditoría d’a situgación economica d’Aragón y que se’n conoixera o lunes. O risultau d’ista auditoria guidará os trangos d’o gubierno enta la reestructuración d’o sector publico. D’ixe sector tamién s’ha charrau en o Consello de Gubierno, ya que s’ha procediu a nombrar a os consellers d’o gubierno en as interpresas publicas.

O consello de Gubierno tamién ha aprebau una linia d’aduya de 100 millons d’euros ta las interpresas aragonesas d’agroalimentación. Se’n ferá a traviés d’alcuerdos sinyaus con entidatz bancarias.

2 Rispuestas a O gubierno da o carpetazo final a os Chuegos d’hibierno de 2022

  1. Pingback: S’extingeixen alguns projectes que amenaçaven la Franja « Xarxes socials i llengües - La Franja

  2. Ista noticia se mereix un brindis. Febamos pena con ixa pantomima d’as olimpiadas que dengun se creyeba.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.