O Gubierno d’Aragón apreba una inversión de 9 millons ta escuelas infantils

Os fondos t'o transporte escolar d'o proximo curso serán 36'5 millons

O Consello de Gubierno ha aprebau en a suya reunión d’iste maitín 150 convenios con concellos y comarcas de Aragón ta financiar 190 escuelas infantils a el qual asistirán mas de 5.500 menors. Istos convenios suposan una inversión d’uns 9 millons d’euros, 380.000 euros mas que l’anterior exercicio, y a reobridura de quatro escuelas que remaniban zarradas: Berge, Uellos Negros, Torrecilla d’Alcañiz y Bielsa. En total, ubrirán 521 unidatz, 16 más que o zaguer curso.

Tamién en l’aria d’Educación, o Consello de Gubierno ha aprebau o gasto plurianual destinau a la licitación, prorroga y revisión de pres de contractos y reserva de plazas ta amprar rutas de transporte escolar en as tres provincias aragonesas. O montante global asciende a más de 36,5 millons d’euros, de el qual 24,3 son t’a provincia de Zaragoza; 7,1 t’a provincia de Uesca y 5,4 millons d’euros t’a provincia de Teruel.

Convenios d’Administración Local

En materia d’Administración Local, o Gubierno d’Aragón aprebó senglos convenios con a Mancomunidat Central de Zaragoza con una aportación de 556.559 euros, y un segundo con o Concello de Teruel, que a suya aportación por parte de l’Executiu aragonés ye de 305.000 euros. En totz dos casos istos importes van destinaus a la millora d’equipamientos y infrastructuras publicas municipals.

Lei d’Acción Voluntaria

Amás, o Consello de Gubierno ha tomau conoixencia d’o Anteproyecto de Lei d’Acción Voluntaria d’Aragón, que pretende dar piet a una politica de voluntariau con una visión global, integral y transversal.

Iste texto, que proximament será presentau a os sectors implicaus en o mundo d’o voluntariau para que presienten as suyas aportacions, tiene como obchectivo regular y fomentar l’acción voluntaria asinas como ordinar as relacions que pueden establir-se entre as personas voluntarias, as entidatz, os suyos destinatarios y as administracions publicas d’Aragón.

O Departamento de Ciudadanía y Dreitos Socials pretende, con ista norma, adaptar a normativa a la nueva sociedat que reclama un papel mas activo en o ficacio a las necesidatz y a solución de problemas que afectan a o suyo entorno.

O texto d’o que hue ha tomau conoixencia o Consello de Gubierno facilita y ordina as nuevas formas d’acción voluntaria y os diversos ambitos d’actuación, dillá d’os merament asistencials (ambiental, cultural, esportivo, comunitario?). Asinasmesmo, favoreixe a promoción d’o voluntariau dende nuevos ambitos como as interpresas, universidatz u as administracions publicas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.