O Gubierno d’Aragón destina quatro millons d’euros a o ret de viviendas de loguer social

A iniciativa pretende d'ufrir aloix a baixo coste a colectivos con dificultatz economicas

Bermúdez de Castro (Foto: D.Ch.A.)

Bermúdez de Castro (Foto: D.Ch.A.)

No nomás aportará viviendas y coordinará tot o proceso, sino que o Gubierno d’Aragón guaranciará amás a os propietarios d’as viviendas que cedan os suyos immuebles pa loguer social o cobro d’as rentas, l’asistencia churidica y se ferá cargo d’una parte d’a renta y d’a fianza que debe abonar l’arrendatario, asinas como responderá por a reparación d’os posibles desperfectos causaus por l’uso d’as viviendas. Son os puntos fundamentals d’a estratechia de viviendas de loguer social, pa la quala o Consello de Gubierno aprebó ahiere una aportación plurianyal de 4 millons d’euros.

Iste ret conta ya con mas de 200 viviendas, aloixes que aportan particulars, administracions publicas, asinas como aquellas entidatz financieras de credito y entidatz socials no lucrativas que decidan de colaborar en ista iniciativa.

“Con tot, pretendemos de proporcionar viviendas a baixo coste a aquellas personas que sían pasando grieus dificultatz economicas. Un eixemplo, iste ret ya fa honra pa dar solución a aquells que van a estar desafiuciaus y quedan en risque d’exclusión”, apuntó o consellero de Presidencia, Roberto Bermúdez de Castro.

Fuent: http://www.cronicadearagon.es/wordpress/?p=43119

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.