O Gubierno d’Aragón entrega seis viviendas publicas a cinco entidatz ta luitar contra a exclusión social

YMCA, Ozanam, Kairos, Fundación Cruz Blanca y 2º Vía Acompanyamiento Terapeutico chestionarán os immuebles

2013-06-10_viviendas-sociales2

Foto: Gubierno d’Aragón

O Departamento d’Obras Publicas, Urbanismo, Vivienda y Transportes d’o Gubierno d’Aragón ha asignau seis viviendas publicas (cinco ubicadas en Zaragoza y unatra en a localidat uescana de Tamarit de Litera), ta destinar-las a prochectos contra a exclusión social chestionaus por YMCA, Fundación Ozanam, Kairos, Fundación Cruz Blanca y 2º Vía Acompanyamiento Terapeutico.

L’actuación s’emmarca en o Plan de Chestión Social d’a Vivienda que se ye desembolicando con l’obchectivo de que “as viviendas publicas de tot Aragón se metan a o servicio de qui las amenisten”, sinyala o Gubierno d’Aragón a traviés d’un comunicau.

En iste caso, as beneficiarias d’o programa serán personas desafiuciadas, afectadas por bella discapacidat, u con grans dificultatz ta acceder u mantener una vivienda, entre atros destinatarios.

En función d’iste convenio de colaboración, as entidatz socials chestionan os prochectos aprebaus en as condicions marcadas, guarancian a solvencia d’o suyo personal, y informan a o Gubierno d’Aragón de cómo se desembolican os prochectos y se responsabilizan de l’adequau uso y os quefers de conservación d’as viviendas, entre atras accions.

Fuent: http://www.cronicadearagon.es/wordpress/?p=41726

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.