O Gubierno d’Aragón ferá una queixa debant d’a UE por o zarre d’o tunel de Somport

Un desprendimiento en a carretera RN 134 motivó o zarre d'o tunel. Se preveye a reobridura o 20 de chulio, pero o Gubierno d'Aragón treballa pa enantar a fecha

tunelSomport-640x394O Gubierno d’Aragón ha decidiu en o consello de gubierno de huei presentar una queixa en a Unión Europea (UE) por o zarre a o trafico d’o tunel de Somport por parte d’as autoridatz francesas o 27 de chunio debiu a un desprendimiento de piedras en a carretera RN 134, cerca d’o tunel. A circulación ye esbarrada por o puerto de Somport dica que s’apanye a vía. Se preveye que o 20 de chulio pueda ubrir-se a carretera.

O consello de gubierno ninviará tamién una petición a o Comité d’as Rechions d’Europa pa mirar una solución que achilice a reobridura d’o tunel.

Roberto Bermúdez de Castro, consellero de Presidencia y portavoz d’o executivo aragonés, ha indicau que o Departamento d’Economía y Emplego ferá un informe sobre os perchuicios economicos sufrius en a zona por o zarre d’o tunel.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.