O Gubierno d’Aragón invierte quasi 900.000 euros en a millora d’as carreteras A-140 y A-130

Tanto en bell punto de l'A-130 como en l'A-140 se desarrollan treballos de refuerzo d'o firme

Foto: Gubierno d'Aragón

Foto: Gubierno d’Aragón

O Gubierno d’Aragón ha prencipiau as obras de millora d’a carretera autonomica A-140 en a comarca d’A Litera. L’actuación ye prevista t’o tramo comprendiu entre os puntos kilometricos pk 1+570 t’o 10+240 (muga provincial Uesca–Albelda).

As labors que se son desarrollando son actuacions de refuerzo de firme con o que s’aconsigue que a carretera presente un nuevo aspecto y se favoreixca a circulación d’o trafico en adequadas condicions de seguridat. Os quefers comprenden accions de fresau, imprimación, farciu y capas de formigón asfaltico, amás d’a realización d’as marcas vials. Uns treballos adchudicaus por mas de 542.000 euros a la interpresa Vialex Industrias Asfálticas.

Treballos en l’A-130

Igualment ista interpresa realiza o refuerzo de firme con mezcla bituminosa en calient de l’A-130 (comarca d’a Cinca Media) mientres os puntos kilometricos 24+400 y 27+800 (travesía d’Alcoleya y puyada t’o Puerto) y entre os p.k 0+00 t’o 1+950 (intersección N-240 Monzón – rotonda A-1223) con un importe d’amán de 350.000 euros.

En totz dos casos, tanto en l’A-130 como en l’A-140 os treballos se son executando dando paso alternativo ta que a circulación se veiga afectada lo menos posible mientres se realizan istas milloras de todas dos infrastructuras. Os treballos s’emmarcan en o Plan Impulso de l’Executivo autonomico, que tien como obchectivos amillorar as infrastructuras viarias y chenerar emplego.

Fuent: http://www.cronicadearagon.es/wordpress/?p=46229

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.