O Gubierno d’Aragón PP-PAR refusa l’inicio d’un plan de reindustrialización pa Monzón y a suya comarca

CHA protesta debant d'a decisión d'o Gubierno aragonés de no empecipiar un plan de reindustrialización pa Monzón y a suya comarca, que han visto perder gran teixiu industrial

Monzón. Foto: Ecelan (CC-BY-SA)

Monzón. Foto: Ecelan (CC-BY-SA)

CHA considera “penible” que o Gubierno d’Aragón PP-PAR no considere necesario prencipiar un Plan de Reindustrialización en Monzón y Comarca con a participación de totz os achents socials y con l’obchectivo de mantener o teixiu industrial actual y a captación de nuevos prochectos d’inversión interpresarial cheneradors d’emplego.

Pa Joaquín Palacín, portavoz de CHA en a Comisión d’Industria en as Cortz d’Aragón, “sorprende veyer a o PP-PAR empentando istos plans” en comarcas como Aranda u Calatayut “y refusando ista posibilidat” pa comarcas altoaragonesas como Alto Galligo u pa Cinca Media, “tot ixo con argumentos como que ya se prenen midas suficients con o sector industrial, afirmación que choca con a situación de qualques interpresas y con os desbocaus datos d’ature”.

“Monzón, ciudat tradicionalment industrial, ha visto cómo a crisi accentuaba a escalada de zarre y traslau d’interpresas, con a consiguient perda d’emplegos”, ha afirmau Palacín. En concreto, s’ha pasau de 607 esqueferaus en a comarca en chunio de 2007, 481 d’ells en a ciudat de Monzón, a 1.868 en setiembre de 2013, 1.485 en a ciudat de Monzón. “Ye una escalada inaguantable y cal obligar a o Gubierno a reaccionar ya”.

O zaguer Informe d’o Consello Economico y Social d’Aragón destaca que a industria ha estau o sector economico que mas ha deteriorau a suya situación en o zaguer anyo 2012, con un 65% de puestos de treballo destruius en o conchunto d’a economía aragonesa en 2012, frent a o 15% d’a media estatal.

Fuent: http://arainfo.org/2013/10/el-gobierno-de-aragon-pp-par-rechaza-la-puesta-en-marcha-de-un-plan-de-reindustrializacion-para-monzon-y-su-comarca/

Una rispuesta a O Gubierno d’Aragón PP-PAR refusa l’inicio d’un plan de reindustrialización pa Monzón y a suya comarca

  1. Pues seguro que a la chen d´ixa redolada no li cuacara guaire. ¿Y a l’ alcalde de Monzón, no ye de o PP?

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.