O gubierno de Castiella y Lión ‘renueva’ o permiso pa la explotación d’a mina de Borobia

A Chunta de Castiella y Lión ha concediu una autorización pa que a interpresa "Magnesitas y Dolomías de Borobia" pueda empecipiar os suyos treballos

no-a-la-mina-de-borobia-300x225

Foto: AraInfo

O pasau lunes, 8 de chulio de 2013, o servicio territorial d’a Chunta de Castiella y Lión en Soria, fació publico, por medio d’o escrito administrativo correspondient, l’autorización a favor d’a interpresa “Magnesitas y Dolomías de Borobia” pa la explotación minera d’a conoixida como mina de Borobia. Encara que tecnicament ye un permiso nuevo, ya que o primer permiso concediu por o gubierno castellano heba caducau, en a practica suposa una renovación administrativa pa que a interpresa minera prencipie os suyos treballos en a zona.

Cal recordar que con a confirmación administrativa d’ista decisión d’o gubierno de Castiella y Lión, que permite dar un nuevo trango a la explotación minera de magnesistas en Borobia, deixa agora o venient trango administrativo en mans d’a CHE, como que no podrá escomencipiar a mina si no se le atorgan dica quatro permisos distintos: a concesión d’un aprofitamiento d’auguas subterranias, l’autorización de vertius, o permiso pa esbarrar clamors y o d’ocupación d’o dominio publico hidraulico.

Os propietarios d’o ‘Tablero’, agricultors y ganaders que viven d’explotar as suyas tierras y pastos, ya estioron desaloixaus de ditas propiedatz por quantas dotacions d’a Guardia Civil o 16 d’abril de 2012, pa que podese apropiar-se d’as mesmas a interpresa minera Magnesitas y Dolomías de capital franco griego.

Iste prochecto minero ye tenendo gran refuse social, tanto por parte de particulars, como colectivos, partius politicos y institucions. As Cortz d’Aragón, a Diputación Cheneral d’Aragón y a Diputación de Zaragoza, asinas como as Comarcas de Calatayut y de l’Aranda y a Coordinadera de Municipios Afectaus s’han posicionau dende un prencipio en contra d’o prochecto minero.

Fuent: http://arainfo.org/2013/07/el-gobierno-de-castilla-y-leon-renueva-el-permiso-para-la-explotacion-de-la-mina-de-borobia/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.