O Gubierno d’EEUU, acusau d’espionache por Associated Press

Dende l'achencia de noticias charran d'un caso d'intrusión "masiva y sin precedents", que afecta a las oficinas de Nueva York, Hartford y Washington

APL’achencia de noticias americana Associated Press ha denunciau que o Gubierno d’EEUU habría recopoilau ilegalment rechistros de trucadas telefonicas de belunas d’as suyas oficinas, en concreto, as de NYC, Washington y Hartford. Aseguran que iste presunto espionache se fació mientres dos meses de 2012, una practica que ha definiu como “intrusión masiva y sin precedents”.

O suyo director executivo, Gary Pruitt, ha explicau en una carta publicada en a web de l’achencia que o Departamento de Chusticia habría aconseguiu os rechistros de trucadas entrants y salients de mas de 20 linias asignadas a la companyía y a os suyos reporters.

En a carta de Pruitt, iste considera que “no puede haber-ie chustificación posible ta una recolección tant ampla de comunicacions telefonicas d’AP y os suyos reporters”. A misiva ha estau remitida a o fiscal cheneral estadounidense, Eric Holder.

Por a suya parte, a Fiscalía d’o Distrito de Columbia ha emitiu un comunicau iste lunes en o qual ha subrayau que actúa con responsabilidat y cudiau en temas relativos a la libertat d’expresión.  En iste sentiu, indica que “nos prenemos muit en serio todas as nuestras obligacions ta cumplir todas as leis, regulacions federals y politicas d’o Departamento de Chusticia quan decretamos a obtención de rechistros de medios de comunicación”.

Fuent: http://www.aragon2.net/n-20848-502-Gobierno_EEUU_acusado_espionaje_Associated_Press

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.