O gubierno espanyol abarata o despiu

A indemnización pasará de 45 a 33 días por anyo treballau.

Fátima Báñez, Ministra de Treballo y Seguridat Social d'o Gubierno d'Espanya (Foto: wikipedia)

O gubierno espanyol ha aprebau a “agresiva” reforma laboral, en parolas cazadas ahiere a o ministro De Guindos. Se rebaixará a indemnización de 45 días por anyo treballau a 33, con un maximo de 24 mensualidatz. a indemnización procedent será de 20 días por anyo treballau y con un maximo d’un anyo de salario. A ministra de Treballo, Fátima Báñez, tamién ha anunciau que dende l’anyo que viene se prohibirá o encadenamiento de contractos temporals dillá d’os dos anyos.

Amás, o gubierno espanyol introducirá un nuevo contracto indefiniu t’os emprendedors, con una bonificación de 3.000 euros a las interpresas de menos de 50 treballadors que contraten o primer treballador menor de 30 anyos y aturau. O treballador contratau podrá cobrar o 25% por a prestación por desocupación y l’interpresario podrá deducir en o plazo d’un anyo o 50% d’o total que a o treballador le quede ta percibir.

A reforma laboral se tramitará como lei ta “buscar o maximo consenso”, seguntes ha dito a vocera d’o gubierno espanyol, Soraya Saénz de Santamaría. Un truco aprebau en o consello de ministros, o texto de la reforma será ninviau a o congreso t’a suya convalidación y, contino, se votará a suya tramitación como prochecto de lei. O gubierno espanyol se reunirá o luns con a patronal y os sindicatos ta explicar-les a proposa.

Fuent: http://www.vilaweb.cat/noticia/3982831/20120210/govern-espanyol-abarateix-lacomiadament.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.