O gubierno espanyol anuncia más retalladas a l’atro’l diya d’a vada

Sáenz de Santamaría anuncia una reducción de gastos d'o 17% d'os ministerios. Puyará o impuesto de sociedatz, pero no l'IVA.

Soraya Saenz de Santamaría (Foto: Gubierno d'Espanya)
Soraya Saenz de Santamaría (Foto: Gubierno d’Espanya)

O consello de ministro espanyol aprebó ahiere o prochecto de lei ‘más austero d’a democracia’ como ha dito y repetiu o ministro de Ficienda, Cristobal Montoro. O proposito ye de cabidar 27.000 millons d’euros y de baixar o deficit d’o 8,51% t’o 5,3%, como se pactó con a UE. Por ixo bi habrá una reducción d’o 16,9% en os gastos d’os ministerios, con midas endrezadas a ahustar gastos y tamién vía ingresos. As chubilacions no se cubrirán ni s’esviellarán achustes, se conchelará o chornal d’os funcionarios y se puyará o impuesto de sociedatz a las grans interpresas. A truca, no se puyará l IVA.

O gubierno espanyol tamién ha aprebau bellas reformas estructurals d’os sectors financier, laboral, enerchetico y chudicial. S’ha retallau tamién en as politicas activas d’emplego y en l’aduya t’a cooperación.

Montoro ha explicau que a retallada d’iste presupuesto se feba ta poder cumplir o deficit d’o 5,3% y que sería muito desichent con as autonomías ta que cumplan l’obchetivo d’o deficit.

As midas presas son:

Baixada de 594 millons d’euros en as transferencias ta l’Achencia Espanyola de Cooperación Internacional t’o Desembolique. L’aduya oficial t’o desembolique baixará un 47,6%.

1.557 millons menos en politica activas d’emplego.

530 millons menos de transferencias ta Educación, no incluyindo-ie as becas

322 millons menos en as aduyas ta l’acceso a vivienda

352 millons menos en inversions ta esfensa. Con tot y con ixo, o ministerio d’Esfensa ye un d’os menos afectaus por as retalladas

67 millons menos t’a dotación d’o fundo d’integración d’inmigrants.

A rebaixa por ministerios:

Afers Foranos: -54,4%

Fomento: -34,6%,

Industria: -31,9%

Agricultura: -31,2%

Presidència: -3,8%

Interior: -4,3%

Chusticia: -6,3%

Treballo: -7,4%

Esfensa: -8,8%

Educación: -21,2%

Sanidat -13,7%

Puyada de tarifas y impuestos:

Puyada d’o 7% d’o recibo d’a luz ta particulars y d’o 4,1 % ta pymes, dende o mes d’abril

Puyada d’o 5% d’o recibo d’o gas dende o mes d’abril

Puyada de l’impuesto de sociedatz t’as grans interpresas.

Puyada de l’impuesto d’o tabaco, con que se preba de replegar 150 millons d’euros más.

Puyada d’as tasas chudicials, por una valura de 214 millons.

S’apreba tamién una amnistía fiscal ta fer surtir os diners negros. As rentas que se i acullan, pagaran un gravamen espacial d’o 10%, y a truca, no tendrán pinyoras ni intreses.

 

 

Fuent: www.vilaweb.cat

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.