O Gubierno espanyol deixará a lei de l’alborto de Gallardón pa cutio en un caixón

Fuents d'o Executivo y d'o PP, seguntes publica iste sabado o diario El Mundo, afirman que "no existe consenso arredol d'iste prochecto"

Alberto Ruiz Gallardón en o Consello de Ministros d'ahiere. Foto: Gubierno d'Espanya

Alberto Ruiz Gallardón en o Consello de Ministros. Foto: Gubierno d’Espanya

A falta de consenso interno podría acabar con o prochecto mas anglucioso d’Alberto Ruiz-Gallardón. Que l’abantprochecto d’a lei de l’alborto trobaba detractors dentro d’o propio PP ya no ye garra secreto, encara que ixas asperezas pretendioron de limar-se sin exito con achustes de zaguera hora como a incorporación d’a malformación d’o feto como motivo legal pa interrumpir o embarazo. En pleno setiembre y a solament una semana d’a fin d’o verano, o plazo que marcó o propio Gallardón pa l’aprobación d’o prochecto en Consello de Ministros, fuents d’o Gubierno y d’o PP aseguran, seguntes publica o diario El Mundo, que o Executivo aparcará definitivament a contrarreforma d’a lei de l’alborto.

Seguntes fuents d’a cupula d’o PP citadas por o medio, “no existe consenso arredol d’iste prochecto, y si no s’aconsigue un alcuerdo, o que pareixe muit dificil, a lei no s’apreba y en paz”. Atros interlocutors son mesmo mas contundents: “Ixa lei nunca no plegará en o Parlamento”.

Dende l’aprebación de l’abantprochecto d’a Lei de Protección d’a Vida d’o Concebiu y os Dreitos d’a prenyada, o Executivo ha iu retrasando o momento de levar o prochecto a Consello de Ministros. Yera probable que ixo ocurrise de chulio, pero o Gubierno prefirió de deixar a la norma dormir en un caixón dica cabo de verano dadas as discrepancias en o propio seno d’o PP. U mesmo pa cutio. Porque l’intrés d’o PP por recuperar os votos perdius –en as zagueras eleccions europeas se’n deixoron 1,5 millons– choca con o cariz conservador d’a norma que empenta Gallardón.

A contestación interna – y tamién manifestament externa– a una lei que va dillá d’o retorno a la lei socialista de 1985 obligó a ubrir un periodo de consultas con os companyers de partiu de vez que a recepción d’informes por parte de quantas institucions. Entre os estudios que manulla a cupula d’o PP, o d’o conoixiu Pedro Arriola concluye, seguntes El Mundo, que a lei de l’alborto ha estau perchudicial pa os intreses electorals d’o partiu pus a una gran parte d’os votants le ha feito a tana o tema por a restricción con que s’ha abordau a reforma.

Fuent: http://www.eldiario.es/sociedad/Gobierno-dejara-aborto-Gallardon-siempre_0_302719798.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.