O gubierno espanyol demandará un rescate t’os bancos de 62.000 millons d’euros

Os diners no plegarán dreitament t'os bancos, que habrán de pasar por o fundo de guarancia estatal, o FROB

Mariano Rajoy en Sao Paulo

Mariano Rajoy en Sao Paulo

“Ye una evaluación certera y creyible”. Asinas ha definiu o president d’o gubierno espanyol, Mariano Rajoy, a evaluación feita d’os diners que amenista a banca espanyola que s’ha zifrau en arredol de 62.000 millons d’euros. Ixa ye a quantidat que o gubierno espanyol demandará antis con antis istos diners, que pasarán a o FROB, y d’astí ta os bancos que amenisten recapitalizar-se, como por eixemplo, Bankia, con un forau de más de 25.000 millons d’euros.

Encara que Europa asperaba que a petición formal se fese ahiere, o ministro espanyol d’Economía, Luis de Guindos, ha dito que se ferá luego, pero no ha especificau quan será. Una vegada que Espanya demande os diners una misión d’a Comisión Europeya, con o Banco Central Europeyo, l’Autoridat Bancaria y o Fundo Monetario Internacional ferá una nueva evaluación y esplanicará as condicions que se’n han de cumplir. Tamién os paises d’a eurozona imposarán o tipo d’intrés y os plazos de tornada d’os diners.

Os diners no plegarán dreitament t’os bancos espanyols, sino que habrán de pasar por o fundo de guarancia de l’estau, o FROB, o que quereba privar de fer o gubierno espanyol que no quiere que ista quantidat s’adhiba a la deuda publica.

Fuent: http://www.vilaweb.cat/noticia/4022313/20120622/espanya-demanara-formalment-rescat-immediatament.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.