O gubierno espanyol nacionaliza Bankia

Transformará os 4.465 milons d'o FROB en accions que controlará l'estau. I alportará, diz, 'o capital que calga de traza estricta' ta saneyar-la

Rodrigo Rato, ex-president de Bankia (Foto: Wikipedia)

Rodrigo Rato, ex-president de Bankia (Foto: Wikipedia)

O Ministerio d’Economía y Competitividat espanyol anunicó ahiere de tardis oficialment que nacionalizaria parcialment Bankia, convertindo as participacións preferents que a matriz d’o banco, BFA, tien d’o FROB en accions que controlará l’estau. L’anuncio ministerial heba estau demandau por o consello d’administración d’o banco por indicación d’o nuevo president, José Ignacio Goirigolzarri.

A valor nominal d’as participacions d’o FROB ye de 4.465 milions d’euros. Asinas, l’estau será titular indirecto d’un 45 % d’o capital de Bankia, ye decir, que en tendrá o control, y bi aportará o capital ‘que calga de traza estricta’.

O nuevo president de Bankia, José Ignacio Goirigolzarri, heba proposau a nacionalización d’o banco por l’estau bellas horas antis o mesmo diya que preneba posesión d’a presidencia en sustituyindo a o dimitiu Rodrigo Rato. En a reunión d’o consello d’administración de Banco Financiero y de Ahorro, matriz de Bankia, Goirigolzarri proposó a conversión d’os diners que recibió d’o FROB en accions.

O Banco d’Espanya (BE) emitió un comunicau confirmando a petición de Bankia y ta remerar que a conversión en accions d’os diners d’o FROB heba d’estar autorizada por ell y por as autoridatz competents espanyolas y comunitarias. O BE diz que ‘o que ha pasau en as zaguers semana y a incerteza creixient sobre o futuro d’a entidat ha feito consellable ir dillá d’os plans previstos y planteyar l’alporte de recurso publicos ta acelerar y incrementar o saneamiento’.

En o comunicau, o BE i aprofeita ta mirar de calmar a la clientalla y a los mercaus: ‘BFA-Bankia ye una entidat solvent que contina funcionando con normalidat de tot y a suya clientalla y depositants no han de tener garra motivo ta fer-se-ne’.

L’estau tendrá un 45 % d’o capital, y a resta quedaría en mans d’as siet caixas que se fusionoron, estando-ne Bancaixa y Caja Madrid as dos mayoritarias.

Tant y mientres, a cotización de Bankia contina baixando en bolsa y as suyas accions perdioron ahiere un 5,84% en trancando-se a sesión.

Fuent: http://www.vilaweb.cat/noticia/4010005/20120510/govern-espanyol-nacionalitza-bankia.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.