O gubierno espanyol prolarga l’aduya de 400 euros ta esqueferaus

A mida s'ha anunciau dimpués d'una reunión entre o president y o Rei d'Espanya

 

O president d'Espanya anunciando a mida (Foto: Gubierno d'Espanya)

O president d’Espanya anunciando a mida (Foto: Gubierno d’Espanya)

O president d’o gubierno espanyol ha anunciau que, en o venient Consello de ministros que se ferá o 24 d’agosto, se decidirá de prolargar o plan Prepara que se remataba iste miercols. En ixe plan bi ye incluyida l’aduya de 400 euros mensuals que cobran os esqueferaus de larga duración y que no tienen acceso a atras prestacions.En una rueda de prensa, feita dimpués de charrar con o rei d’Espanya, Rajoy ha anunciau que bi habrá modificacions en o programa “ta que siga más eficaz”.  “Prolargaremos l’aduya y prebaremos de que funcione millor que dica agora, porque cal mirar l’obchetivo d’a inserción laboral d’as personas que la reciben”.

Ista aduya plega agora mesmo dica más de 200.00 personas que no tienen garra atro ingreso. Se esviella cada seis meses y o silencio d’o gubierno espanyol heba feito preocupar-se a sindicatos, partius d’a oposición y organizacions socials de toda mena, que ya heban anunciau movilizacions en caso de que no se prolargase.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.