O gubierno espanyol quiere equiparar as penas por vandalismo a las de “kale borroka”

O cambio suposará puyar as penas minimas a dos anyos, que comportan l'ingreso en prisión

O ministro d'Interior, Fernández Díaz

O ministro d’Interior, Jorge Fernández, ha confirmau que o gubierno espanyol quiere empentar una modificación lechislativa ta “asimilar” as penas previstas ta qui protagonicen actos vandalicos a las d’a “kale borroka”. Fernández ha explicau en una entrevista a TV3 que a mida, empentada de conchunta por os ministerios d’Interior y de Chusticia, quiere “dotar d’instrumentos churidicos legals adequaus a policía, os tribunals, os chueces y os fiscals ta concarar o fenomeno d’a violencia d’a guerrilla urbana” como a que diz que i habió mientres a vada cheneral en Barcelona. Actualment, as penas ta algaradas son d’un anyo de prisión, seguntes o ministro, y se tractaría d’ixamplar-las dica dos anyos “ta que os fiscals puedan demandar a prisión provisional y os chueces, adoptar-la”.

“I hai una gran alarma social y no podemos continar por o camín d’a bondat”, afirma o ministro, que remera que países como Anglaterra y Francia tienen en o suyo codigo penal respuestas churidicas ta concarar istas situacions parellanas a las que quiere empentar agora.

Ta Fernández Díaz, a modificación lechislativa busca evitar que Barcelona siga a “capital d’os antisistema europea”. Tamién diz que cal adoptar midas decamín porque s’amanan calendatas en que creye que se pueden repetir algaradas como as d’o chueves pasau: o Primer de Mayo y a reunión que o Banco Central Europeu fará en a capital catalana en o prencipio de mayo.

Precisament a l’atro’l diya d’as algaradas d’a chornada de vada cheneral, o chirmán d’o ministro d’Interior y cabeza d’o PP en o Concello de Barcelona, Alberto Fernández, reclamó en una moción d’urchencia aplicar as normas contra la “kale borroka” a las personas que se demuestre que son implicadas en incidents en a carrera.

Fuent: http://www.vilaweb.cat/noticia/3999497/20120401/govern-espanyol-vol-equiparar-penes-vandalisme-kale-borroka.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.