O gubierno espanyol retalla competencias en politica hidraulica

A traviés d'un decreto lei tornan ta l'Estau espanyol as sancions de rios, como l'Ebro, que pasan por varias comunidatz

O Gubierno espanyol ha aprebau iste viernes un real decreto lei por o qual recupera a chestión d’as cuencas hidrograficas, anulando una norma de l’anterior Executivo socialista que permitió a las comunidatz autonomas asumir a competencia d’as auguas en os suyos territorios. Amás, iste decreto anula de facto as disposicions de l’estatuto aragonés sobre a politica d’auguas, y mesmo as competencias d’a CHE.

O Gubierno d’o Partiu Popular ha decidiu tornar-se a potestat de sancions, seguntes a vocera Sáenz de Santamaría “ta aconseguir una chestión mas eficient y guarenciar o prencipio d’unidat de cuenca establiu por o Tribunal Constitucional”.

“Dau que l’augua ye un recurso taso, de dominio publico y que i hai cuencas repartidas entre quantas comunidatz autonomas, s’ha decidiu que siga l’Estau qui faiga toda a chestión de policía d’o dominio publico”, ha dito Sáenz de Santamaría a la fin d’o Consello de Ministros.

En o Consello de Ministros s’ha analisau amás un informe sobre as posibles privatizacions de transportes publicos y autovías, encara que o gubierno espanyol encara no ha preso garra decisión sobre l’afer.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.