O gubierno espanyol saca las becas Erasmus a os estudiants que ya son en l’extrancher

S'ha publicau ista semana en o BOE. Indignación en o rete con l'etiqueta #ErasmusRIP

José Ignacio Wert en foto d'archivo. Foto: Gubierno d'Espanya (www.lamoncloa.gob.es)

José Ignacio Wert en foto d’archivo. Foto: Gubierno d’Espanya (www.lamoncloa.gob.es)

O ministerio d’Educación nomás concederá aduyas economicas a os estudiants Erasmus que siga beneficiarios d’una beca cheneral, que ye a que reciben os estudiants con pocos recursos economicos. Ye decir, o programa Erasmus, d’intercambio entre universidatz europeas, continará existindo, pero si l’estudiant no tien concedida una beca cheneral nomás recibirá as aduyas d’a Comisión Europea (bells 130 euros a o mes) y as que da cada comunidat autonoma y a universidat (enter 100 y 200 euros), pero no las d’o ministerio (entre 100 y 150 euros).

Iste cambio, publicau iste 29 d’octobre en  o BOE, afecta a los estudiants que s’acullan u s’haigan aculliu a os programas Erasmus a partir d’iste curso. Ye decir, que totz os estudiants que iste mes de setiembre ya s’haigan instalau en ciudatz europeas pensando que cobrarían istas aduyas, deixarán de cobrar-las o mes venient. A indignación entre os estudiants s’ha multiplicau en o rete con a etiqueta #ErasmusRIP y con una campanya en Change.org, que demanda que se mantiengan as aduyas, y que ya tien más de uitanta mil firmas.

 

Fuent: http://www.vilaweb.cat/noticia/4153839/20131104/govern-espanyol-retira-beques-erasmus-estudiants-lestranger.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.