O gubierno federal d’os Estaus Unius, paralizau por falta de presupuesto

S'empecipia a aplicar o primer zarre indefiniu de l'administración central y d'os servicios publicos dende 1995

Obama con os suyos asesors (Foto: whitehouse.gov)

Obama con os suyos asesors (Foto: whitehouse.gov)

Dende medianueit, a Casa Blanca ha ordinau a las achencias federals d’os EE.UU. de suspender l’actividat. Se tracta d’o primer zarre indefiniu de l’administración federal y d’os servicios publicos dende 1995, a resultas d’o fracaso d’as conversacions en o congreso pa aprebar o presupuesto de l’anyo venient. En ausencia de financiación, pus, a lei preveye que as achencias federals empecipien a aturar ordenadament l’actividat. A mida afecta mas de uitcientos mil funcionarios consideraus no esencials, d’os dos millons en total, que hue ya no habrían d’ir t’o treballo ni cobrar.

Mesmo asinas, se preveye que i haiga servicios minimos, que en qualques casos ye d’o 5% d’os efectivos.

Dica ista situación excepcional, s’ha plegau dimpués de dos refuses en o senau de prochectos de lei de finanzas elaboraus por a Camara de Representants. Os dirichents republicanos proposoron o luns a posibilidat de votar unatro texto pa prorrogar o presupuesto, pero estió considerau inacceptable por os democratas. Y ye que, entre mas cosas, embrecaba de suspender a reforma d’o sistema sanitario que proposa o president, Barack Obama.

Seguntes a Casa Blanca, un zarre que se prolargue en o tiempo puede comportar efectos muit negativos en a clase media y as personas mas desfavoreixidas d’o país.

Fuent: http://www.vilaweb.cat/noticia/4147075/20131001/govern-federal-eua-paralitzat-manca-pressupost.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.