O Gubierno invertirá 28 millons d’euros en as redoladas mineras.

Nuevos prochectos en a economía d'as redoladas mineras teruelanas

Aprobaus 53 prochectos interpresariales que creyarán en a redolada más de 100 puesto de treballo dreitos. O conseller d’Economía y
Treballo ha amostrau bella mica d’optimismo cara t’o futuro d’o carbón de Teruel.

Francisco Bono, conseller d’Economía y Treballo, ha presidiu por primer vegada a Mesa d’a Minería d’Aragón, una reunión de treballo a on que,
antimás de l’Executivo, bi participan a Diputación Provincial de Teruel, as confederacions d’interpresarios CREA y CEPYME y os sendicatos UGT y CC.OO.

Entra atros alcuerdos, han aprobau 53 prochectos interpresariales t’as redoladas que penden d’a minería, que revertirán t’a redolada más de cien puestos de treballos dreitos. Ta que prencipie a marchar ista iniciativa, o Executivo invertirá 28 millons d’euros en iniciativas en as dembas d’a industria, ganadería, servicios, agroalimentación y turismo.

T’o titular d’a cartera economica, que se faiga ista inversión en as redoladas afectadas por o Plan Miner ye “un dinamismo interpresarial que creya asperanzas a los emprendedors”, qualcosa que, en a suya opinión, “ye digno de destacar”. Entr as actuacions que se ferán destacan por a inversión que cal o Camping de La Estanca u una Planta de sucos en Fraga, que contarán con más de dos millons d’euros cadaguna. O conseller tamién ha
quiesto resaltar os prochectos turisticos derivaus de l’actividat en o circuito de MotorLand.

Continará a o canto d’a minería

D’a mesma traza ha quiesto aprofeitar a reunión d’a mesa t’amostrar o refirme d’o Gubierno a lo sector miner. En iste sentiu y alufrando l’horizonte de 2018 ha quiesto amostrar un rayo d’asperanza: “Bi ha un cambeo d’opinión mundial cuanto a las fuents d’enerchía y pueden
favoreixer a lo carbón”, ha manifestau, esplanicando que l’actual crisi nucleyar chenerada por a esferra de Fukushima y a ineficacia de
bellas esviellables ha provocau que bi haiga “menos pesimismo que antismás.”

En qualsiquier caso, Bono ye conscient de que as explotacions mineras teruelanas “tienen o risque de zarrar” d’aquí a bellas anyadas,
encara que dende lo Executivo treballarán por “mantener o sector y tamién por a reconversión”, ha dito lo conseller.

D’ista traza, o conseller ha anunciau que, chunto a Asturias y Castiella y Lión irán t’a Unión Europea “ta continar luitando”, encara que
no ha puesto concretar quan se ferá ixa trobada. Cuanto a las reinvindicacions, ha confesau que, por l’inte, no se’n sabe mica, pero a ideya ye de “conseguir que se torne enta dezaga en as limitacions”.

 

Fuent: http://www.aragon2.com/n-12820-5-Gobierno_Aragon_invertira_28_millones_euros_zonas_mineras

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.