O gubierno remera que l’Estatuto refusa un posible trasvase de l’Ebro dimpués d’as parolas de Cospedal

A secretaria cheneral d'o PP s'amostró favorable a o trasvase en una entrevista

Manifestación contra o trasvase (Foto: Arainfo)

Manifestación contra o trasvase (Foto: Arainfo)

O gubierno aragonés fació publica a tardi d’iste chueves un comunicau a on que remeraba “o suyo refús, una vegada más, a qualsiquier trasvase de l’Ebro” y ha remerau que “ye o propio Estatuto d’Autonomía d’aragón qui amuga qualsiquier transferencia”.

Lo ha feito dimpués d’as declaracions de María Dolores de Cospedal, presidenta de Castiella – La Mancha y Secretaria Cheneral d’o PP, qui en una entrevista dició esfendió l’emplego de “augua que sobra d’un río” ta levar-la ta zonas a on que cal” y opinó que “yera una barbaridat que no s’aprofeite l’augua d’atros ríos [antimás d’o Tacho], singularment, en l’Ebro”.

O Gubierno d’Aragón ha afirmau que “a norma autonomica obliga a los poders publicos aragoneses, de traza explicita, a vielar ta empachar trasvases d’as cuencas hidrograficas que Aragón en ye parte, aintro d’o prencipio d’unidat de cuenca. Y en ista linia, antimás, estableixe que Aragón habrá de fer un informe preceptivo sobre qualsiquier propuesta de transferencia d’auguas”.

Dende a D.Ch.A. remeran antimás os 6.550 hectometros cubicos que l’estatuto alza ta que l’emplego solo d’os aragoneses, replegau tamién en o Plan Hidrolochico d’a Cuenca de l’Ebro, aprebau por a Comisión de l’Augua o pasau mes de chulio.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.