O gubierno retalla os horarios d’autobuses en a redolada d’Exeya

A linia que uniba os lugars de colonización nomás circulará dos diyas a la semana

Ilesia de Sant Salvador (Foto: FernandO)

Ilesia de Sant Salvador (Foto: FernandO)

As retalladas plegan t’o transporte en a redolada d’as Cinco Villas. A D.Ch.A. ha decidiu que a linia que une os lugars de colonización d’Exeya d’os Caballers pase a circular dos diyas a la semana -lunes y viernes- en cuenta d’os cinco que circulaba dica ista semana.

Ista linia pende en un microbus que pasa por Santa Anastasia, O Bayo, Pinsoro, A Valarenya, O Sabinar, lugarons d’Exeya, o lugarón de Sancha Abarca, que ye de Taust, y a on que se fa o trasbordo ta pillar o bus enta Zaragoza. Mientres o 2011 a linia la facioron servir 1.158 personas, bellas 90 cada mes.

O concello d’Exeya ha refusau ista mida y a traza como s’ha preso, ya que diz que conoixoron a noticia por os cartels que metió a interpresa de transportes. Dende a concellría de transportes ya s’ha demandau a lo gubierno que se torne a meter o servicio antis con antis.

De man d’a D.Ch.A., han remerau que un estudio que facioron en mayo, deciba que heba baixau en un 11,2% o numer d’usuarios d’o servicio publico de transporte. Antimás, as aduyas han puyau dica más de 3 millons d’euros y alavez, cada viacher costa 3,69 euros t’o gubierno.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.