O gubierno suelta 25.000 truitas autoctonas en os rios pirinencos

Os eixemplars perteneixen a linias de chenotipo autoctono de cadaguna d'as cuencas fluvials de montanya

Truitas (Foto: D.Ch.A)

Truitas (Foto: D.Ch.A)

Iste martes continó en Villanuga (Chacetania) a campanya de sueltas de truita autoctona (Salmo trutta fario) que o departamento d’Agricultura, Ganadería y Meyo Ambient ye fendo en os ríos d’o Pirineu. Con istas accions se preba de “enfortir y compensar as poblacions piscicolas que mientres ista puenda se troban especialment acotoladas dimpués d’as creixidas d’a pasada primavera”.

As sueltas, que rematan iste chueves en Chaca, y que se han feito en Fiscal, Boltanya, A Buerda y Villanuga, se fan nomás con truitas pertenecients a las linias autoctonas de cada cuenca fluvial, estando animals procedents d’os programas de cría y reproducción que se fan en a piscifactoría publica de Saruisé (Sobrarbe).

En total se i soltarán 25.000 eixemplars. A diferencia d’atras anyadas, que as repoblacions se feban con truitas de grandaria apta ta pescar-se, estianyo se repobla con eixemplars chovens, “ya que s’adaptan millor y sobreviven más, permitindo asinas a meyo plazo una pesca muito más sostenible t’o futuro”, informan dende a D.Ch.A.

D’as 25.000 truitas, 12.000 se han soltau en a Linia Ara-Cinca a partis iguals entre os cotos de Fiscal, Boltanya y A Buerda, entre que as atras 13.000 se sueltan en l’Aragón, a metat en Villanuga y l’atra metat en Chaca.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.