O Hespital Miguel Servet de Zaragoza contará con hipotermia terapeutica ta recient naixius

Ista nueva tecnica podrá diminuir o risque de dicapacidat u muerte en caso de falta d'oxichenación u de fluixo sanguinio t'o celebro en recient naixius

Foto: Gubierno d'Aragón

Foto: Gubierno d’Aragón

A Unidat de Neonatolochía d’o Hespital Materno Infantil Miguel Servet de Zaragoza contará con un nuevo tractamiento destinau a reducir o risque de discapacidat u muerte en recient naixius quan exista falta d’oxichenación u falta de fluixo sanguinio t’o celebro, a hipotermia terapeutica.

Ista tecnica, que a contau con una inversión de 35.000 euros ta adquirir os equipos necesarios, baixa a temperatura corporal d’os neonatos a 33,5 graus mientres 72 horas, procedendo a puyar a temperatura enta 36,5 graus tot pasando ixe plazo de tiempo. Personal medico d’iste hespital y d’atros centros d’Aragón ya han estau instruius en ista tecnica, con a fin de que os recient naixius que requieran d’a terapia puedan estar trasladaus y tractaus antes con antes y en as condicions adequadas.

A terapia ha dau buenos resultaus en atros centros hespitalarios pero “no ye a solución final pero sí un punto de partida en neuroprotección en o recient naixiu. “Quan o mal hipoxico–isquemico ye muit grau no imos a poder evitar en totz os casos que i haiga sequelas, pero también ye verdat que sí que i hai recient naixius en os que podemos evitar a discapacidat de traza completa gracias a iste tractamiento“, seguntes o Dr. Segundo Rite Gracia, d’a Unidat de Neonatolochía d’iste hespital.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.