O II Congreso Web de Zaragoza lo refirma como trobada de referencia

Mas d'1.000 personas y mas de 70 horas de conferencias, tallers y ponencias sobre o mundo d'a web, o comercio electronico y todas as disciplinas profesionals que intervienen en os negocios en o ret

José Luis Orihuela, mientres a suya intervención

José Luis Orihuela, mientres a suya intervención

Os días 1, 2 y 3 de chunio s’ha cilebrau en Zaragoza a segunda edición d’o Congreso Web, un esdevenimiento que s’ha consolidau sin garra dubda como referencia en l’estau espanyol, y que ha contau con a participación d’autoridatz en a materia como José Luis Orihuela, Ismael El-Qudsi, Dolors Reig u Aleyda Solís.

Entre os tres diyas que ha durau lo congreso, han pasau mas de mil personas, plegadas dende totz os puntos, por as instalacions d’o World Trade Center de Zaragoza. Han estau multiples os contactos que s’han establiu entre profesionals y interpresas en as mas de 70 horas de programación  y s’han puesto escuitar as voces autorizadas de ponents de primer livel.

Comercio electronico, posicionamiento en buscadors, optimización web, estratechia en retz socials, marketing online, desperiencia d’usuario, desembolique d’aplicacions mobils u dreito dichital, entre muitos atros, han estau los temas que s’han tractau a lo largo d’o cabo de semana en Zaragoza.

O punto final estió a cargo d’o profesor José Luis Orihuela, d’a Universidat de Navarra, qui fació una machistral exposición sobre o concepto de ciudadans dichitals y as implicacions que tienen actualment os movimientos d’interpresas y especialment os gubiernos ta meter buegas u controlar de bella traza l’acción d’as personas en o ret. O profesor Orihuela fació referencia a la proxima publicación en castellán de “No sin o nuestro consentimiento”, de Rebecca MacKinnon, prelogau por o propio Orihuela, y en que l’epilogo corre a cargo de Enrique Dans. En o libro se fa una exposición de cómo as grans interpresas y os gubiernos fan trangos en una dirección: tractar d’apropiar-se d’a lechitimidat en a lechislación y normativa d’o ret, y cómo ixo afecta a os ciudadans dichitals.

2 Rispuestas a O II Congreso Web de Zaragoza lo refirma como trobada de referencia

  1. Bueno bueno, tamien i estió o gurú que escibe l’articulo Daniel Torres Burriel que ye d’o nuestro pais y ye d’o millor d’o estau en UX y d’o millor d’a trobada.

    Aupa Daniel o mio refirme y aspero que remanas an yes en o futuro o más entalto si ye posible.

    Si yes d’intrés de vusatros buscar o suyo nombre en google y en trobaretz buena cosa.

  2. Pingback: Comentarios sobre #CW12

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.