O INAEM forachitará a 94 personas por o suyo Plan de Reestructuración

Jorge Escario ha remerau que os Presupuesto os 2013 contemplan cantidatz ta politica activas d'emplego quasi iguals a las de 2012

Oficina de l'INAEM (Foto: D.Ch.A.)

Oficina de l’INAEM (Foto: D.Ch.A.)

Seguntes ha esfendiu Jorge Escario, director cherent de l’Instituto Aragonés de Emplego, en as Cortes d’Aragón, os 94 treballos de promotor y orientador laboral que se sacarán en o servicio que mena se chustifica en una situación de crisi que “no deixa más marguin ta maniobrar”. Con istas parolas, Escario ha asegurau que o Plan de Reestructuración que sufrirá o Servicio Aragonés d’Emplego ye menister ta tirar entabant.

“Somos achiquindo de traza important os fundos y o personal, lo irresponsable sería no fer-lo”, ha asegurau debant d’a uellada fito-fito d’0s diputaus de CHA y IU, dos d’as formacions que han demandau a suya presencia. Ye alavez, seguntes Escario, un “exercicio de responsabilidat” aintro d’a implementación d’o Plan ta que contine o ficarcio que agora mesmo se da tanto ta demandants de treballo como ta interpresas.

Aintro d’o plan de reestructuración que encetará o Departamento d’Economía, i ye forachitar a los debanditos treballadors. 33 d’ixas personas serán sustituyidas por funcionarios d’a Dirección Cheneral de Función Publica, que agora mesmo se son formando ta ocupar beluns d’os puestos que quedarán vuegos. “Ye de tot menister optimizar os pocos recursos que bi ha”, ha aclariu Escario. Antimás de forachitar a istos treballadors, o Plan incluye eliminar a oficina de l’INAEM d’o vico zaragozano d’o Rabal asinas como d’os puntos de refirme que agora bi ha en Boltanya, Sarinyena y Graus. Midas que, segutnes aseguran, no suposarán garra impacto negativo t’os usuarios.

Como yera d’asperar, a reaccion dende as cadieras d’a oposición no ye estau d’aplaudir-le. Dende Izquierda Unida han penau porque a prioridat siga achiquir presupuestos en cuenta d’atender os problemas d’os ciudadans, entre que Jose Luis Soro (CHA) ha asegurau que forachitar a 94 personas sí tien un “impacto negativo”.

 

Fuent: http://www.aragon2.com/n-20471-503-El_INAEM_despedira_a_94_personas_dentro_de_su_Plan_de_Reestructuracion

Una rispuesta a O INAEM forachitará a 94 personas por o suyo Plan de Reestructuración

  1. Bueno, ta qué queremos l’Inaem si astí totz tenemos treballo?. No bi’n ha ature ni crisi, ni pon. Aragón ye un país goyoso, o país d’a piruleta!

Responder a ocharraire Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.