O INAGA autoriza escoscar o cauz d’o río Xiloca encara que sin incluyir-ie a Lacuna d’el Canyizar

O INAGA aprebará un plan d'emplego d'as compuertas

O Xiloca, en Sant Martín d'el Rio (Foto: D.Ch.A.)

O Xiloca, en Sant Martín d’el Rio (Foto: D.Ch.A.)

O INAGA plega de fer o informe ambiental t’a demanda ta escoscar o cauz d’o río Xiloca en os lugars de Cella, Villar Cremato, y Snata Olalia. Ye una demanda feita por a comunidat de regants Chunta d’Auguas d’o Río Cella, tramitada en o INAGA a traviés d’a Confederación Hidrografica de l’Ebro.

En l’actuación demandada bi ha actuacions con maquinaria pesada en a parte d’a capecera y mesmo en o interior d’a lacuna d’o Canyizar. Manimenos, a institución no permitirá que se fayan ixos treballos aintro d’a lacuna y, alavez, no s’escoscará con maquinaria a parte entre o cruce de camins auguas debaixo d’a coda d’a lacuna en o cauz d’o río Cella, y a compuerta d’a salida d’a lacuna. Sí que s’escoscará con maquinaria pesada a parte de difuera d’a lacuna, en a capecera, fendo-se os treballos entre o 15 de chulio y o 30 de setiembre.
A directora d’o INAGA, Nuria Gayán, ha sinyalau que istas decisions s’han preso ta protecher l’ecosistema d’a lacuna. Tamién ha recordau que ye pendient d’aprebar-se un plan d’emplego d’as compuertas que faya compatibles os emplegos tradicionals de l’agua con mantener una napa d’augua que permita un estau de conservación favorable d’o exosistema d’a lacuna, con gran valura meyoambiental y que i cubilla arrienda especies d’aus, incluyidas qualques especies menazadas.
“En os zaguers meses o sistema de compuertas ye estau de contino ubierto, igual en tiempo de riego como en a resta, lo que ha afectau a la lacuna y a os regants. O resultau d’ista chestión deficient d’as compuertas, antimás de perchudicar a l’ecosistema y comprometer a viabilidat de qualques especies menazadas, tamién fa que bi haiga menos augua disponible auguas abaixo ta riego, que’n podría haber con una millor chestión”, ha manifestau Nuria Gayán.
Por ixo, o informe d’o INAGA mete atra condición: Qualsiquier nueva actuación ta sacar a vechetación habrá de programar-se de traza planificada, chunto con o plan d’emplego d’o sistema de compuertas.

Una rispuesta a O INAGA autoriza escoscar o cauz d’o río Xiloca encara que sin incluyir-ie a Lacuna d’el Canyizar

  1. Pingback: O INAGA autoriza escoscar o cauz d’o río Xiloca encara que sin incluyir-ie a Lacuna d’el Canyizar » AraInfo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.