O incendio declarau en Exulv, baixo control

A rapeda intervención d'os servicios d'extinción d'incendios evitó que se tornase a repetir a estrafalla medioambiental de 2009

Imachens d'a zona cremada en o incendio d'Exulv. Foto: AraInfo

Imachens d’a zona cremada en o incendio d’Exulv. Foto: AraInfo

Seguntes as informacions d’o Gubierno aragonés, o incendio declarau o pasau martes en os bosques d’a localidat d’Exulv (Andorra – Sierra d’Arcos) ye estabilizau. As causas d’o incendio encara se desconoixen y se son investigando.

A rapeda intervención d’os servicios d’extinción d’incendios, que i arriboron en 25 minutos dimpués de l’aviso d’un vichía, evitoron unatra estrafalla medioambiental como a producida en a mesma zona en l’anyo 2009, en que se cremoron mas de 7.ooo hectarias a causa d’un rayo.

Nueu helicopters, tanto d’o Gubierno d’Aragón como d’as BRIF de Daroca y Castellón, asinas como quatro hidroavions (aragoneses y castellonenses), ueito quadrillas helitransportadas y tres terrestres han formau parte d’o efectivo que ha estabilizau y controlau o incendio.

En total s’ha cremau 109 ha entre Exulv y Villar Luengo, d’arbols, matorrals y pasto. A pior parte se l’ha levada l’arbolau.

En a redolada se trobaba ueito masías, todas deshabitadas. Asinas mesmo, o fuego, encara que s’endrezó enta Montoro, no corrió periglo y no calió desaloixar.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.