O IV mundialet anti-racista se celebrará en ‘La Granja’

Ya ye ubierto lo plazo t'apuntar-se-ie y chugar a futbol u baloncesto

cartelO mundialet anti-racista de Zaragoza se amana, y ya ye ubierto lo plazo ta que puedan apuntar-se-ie os equipos que quieran chugar a futbol u baloncesto o venient maitin d’o 19 de mayo. En ista edición o campo de chuego será o Centro Esportivo Municipal ‘La Granja’.

A organización d’o mundialet quiere con iste acto contrimostrar que ‘totz somos iguals’ y que ‘no importa que preben de trestallar-nos por a procedencia, a color d’a piel, o chenero u atras clasificacions’. Quieren contrimostra-lo con un diya d’esporte dillá d’a competitividat a on que asociacions de vecins, clubs esportivos, colectivos socials, asociacions d’inmigrants u simplament collas d’amigos puedan chugar y pasar una chornada de convivencia.

Antimás d’os torneus de futbol y baloncesto ista anyada se ferá un partiu de balonmano, un concurso de triples, un torneu de ping-pong y una exhibición de bikepolo, un esporte en bicicleta que se va fendo china chana prou popular en Zaragoza.

Mientres toda a chornada bi habrá DJ’s metendo mosica y s’espardirán sucos, fruita y augua entre os participants. De meyodiyas se servirá ta qui quiera una chenta vegana por 4 euros. A información completa y as incripcions se pueden trobar en o blog d’o mundialet, y en os siguients puntos d’inscripción: Asociación Cultural Barrioverde (Vía Láctea) (carrera Doctor Palomar 25, Vico d’a Madalena), Urban Hell (carrra don Teobaldo 10-12, Vico d’a Madalena), Kopyfax (carrera Corona de Aragón 53, Vico d’a Universidat), Centro Social Okupau Kike Mur (Plaza d’a Memoria, Vico deTorrero).

 

Fuent: http://arainfo.org/2012/05/apuntate-ya-al-4%C2%BA-mundialito-anti-racista-de-zaragoza/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.