O laurelero de Torrero, en as tres pedretas dimpués d’una semana sin ruxiar-se

IU ha denunciau que o sistema de riego s'estió estricallau una semana sin que se fesen servir atras trazas ta ruxiar-lo

O laurelero en l'homenache que le'n facioron iste mayo (Foto: El ventano)

O laurelero en l’homenache que le’n facioron iste mayo (Foto: El ventano)

A situación d’o Laurelero de Torrero, un d’os vecins más antigos d’a ciudat con 150 anyadas d’existencia, preocupa muito a los vecins d’iste vico zaragozano y a los miembros d’a Colla Municipal de Izquierda Unida de Zaragoza, qui han denunciau que l’arbol ye deixau dimpués d’haber-se estau una seman sin ruxiar en estricallar-se o sistema de riego.”O laurelero de Torrero, con más de 150 anyadas, presidiba o patio d’a enfermería d’a prisión zaragozana, y mientres muitas anyadas estió ruxiau por presos politicos”, ha sinyalau Raúl Ariza, conceller de IU, ta qui a culpa d’ista situación ye de FCC en haber-se estau “quasi una semana sin augua dimpués de estricallar-se o riego y no haber-lo ruxiau d’atras trazas dica que s’apanyase”.

“Os vecins y asociacions conservacionistas avisoron d’a situación preocupant de l’arbol y demandoron que s’enfortise o mantenimiento suyo”, ha destacau. Dimpués d’ista avería, l’arbol estió ruxiau terne de man d’os responsables de chardinería d’o Concello de Zaragoza pero, como ha denunciau IU, nomás ye “aduyar a alentar” y pareix que o Laurelero ya ye en as tres pedretas. “En as zaguers anyadas s’han perdiu 15 eixemplars por no proteixer-se prou”, ha sinyalau Ariza.

“A penible situación d’os parques y chardins d’a ciudat ye producto d’a mala coordinación con o Concello y a manca de disposición de FCC, que prioriza meter pinyoras a qui diz a verdat antis que no cudiar d’o mantenimiento d’as zonas verdas”, comenta Ariza cuanto a la ubridura d’expedient a lo vicepresident d’o Comité d’Interpresa de FCC, Juan Carlos Lahoz, por haber denunciau lo que mancaba en o servicio. Por isto, dende IU se demanda que se archive de camín a pinyora t’o sindicalista y operario porque “nomás ha demandau lo que nusatros y qualsiquier ciudadan puet viyer”.

D’ista traza, IU ha saliu en esfensa d’o treballo de FCC – a critica ye endrezada ent’a chestión – y ha avisau de que a o treballo que veniba fendo a interpresa s’ha sumau o bulevar d’o tramvía sin que s’haiga enamplau a plantilla. Antimás, debant d’a situación que se vive en bellas zonas verdas, IU preguntará sobre istas y atras materias en a venient Comisión de Meyo Ambient a on que remerarán a o conseller Fernando Gimeno que, a lo menos, bi ha “12 eixemplars muertos y en piet” en Fernando o Catolico”, antimás de muitos arbols chovens, que se plantoron dimpués d’as obras d’o tramvía, muertos en no ruxiar-se y con “fungos baixo a crosta” rematan denden IU.

Fuent: http://www.aragon2.com/n-20091-3-Laurel_Torrero_estado_terminal_tras_semana_riego

Una rispuesta a O laurelero de Torrero, en as tres pedretas dimpués d’una semana sin ruxiar-se

  1. Ye raro que un árbol como lo laurelero muera de sete so que dimpués d’una semana sin regar… pero de traza cheneral o estau de conservación de os árbols de Zaragoza ye penible, especialment en as zonas que goguean con as obras de o tramvía. Una lastima.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.